Ohiko ibilaldi batean, koloretako tantoak dituen izaki batek aurrera jarraitzea eragozten dion oztopo batekin egin du topo. Erronka bat izango da hura gainditzea, baina lortu eta haren atzean dagoena ikusten duenean, han betiko geratzea ala bere konfort zonara itzultzea erabaki beharko du.
1905ean, Rokeya Hossein idazle bengaliarrak Ladylandekin egiten zuen amets, emakumeek gobernatutako lurralde utopikoarekin.
Handik mende batera, Inés zuzendari espainiar gazteak autoaurkikuntza-bidaia bati ekitea erabaki du, Rokeyaren aztarnei jarraituz eta Ladyland-en bila.
Adelak aitortu gabeko gaixotasun mental bat du, eta herri-errituetan ari da konponbide bila. Familiak ez du ulertzen, eta medikuek sendagaiak baino ez dizkiote agintzen. Adelak norbait bere zelatan dagoela uste du, eta noizbehinka mamu moduko bat sentitzen du alboan, bera ukitu eta mina eragiten diona, ohean zenbait egun igaro behar izateraino. Soilik erlijioan aurkitzen du arindua, eta, horregatik, sendalari batengana jotzen du eta hura guztia nola hasi zen kontatzen dio.
NORA, 12, Bidasoako Ospitalean jirafa mozorroarekin sartu dute. Pareko boxean KURU mutil etiopiar zauritua deskubritu du, 12. NORAK mutilari zer gertatu zaion jakin nahi du, baina KURUK jirafa baten benetako historia kontatuko dio: 1827an, Mediterraneoa zeharkatu zuen jirafarena, bera bezala orain.
Androideak bizi, amestu eta hasten diren mundu batean, fabrika batean bi robot sortzen dira. Material berdinekin eta aldi Berean. Baina urteak pasatuko dira biak elkartu arte.
Alexek eta Bibik futbola maite dute.
Alexek pentsatzen du jolastu dezakeela. Bibiri ez diote uzten
Eta hala ere, robot talde zoragarri eta zoro batekin batera, futbol zelai batean topatuko dira.
Kima eta Amik lehengusuak dira. Kimak gehien maite duena da lehengusuaren etxera joatea, baserrira. Amikek gehien maite duena da lehengusinaren etxera joatea, hirira. Kima alderantziz irakurtzen baduzu, Amik aterako zaizu. Izan ere, izenetik bertatik ikusten da Kimak eta Amikek ia beti kontrakoa nahi dutela. Baina ia beti aurkitzen dute modua bien artean jolasteko eta ondo pasatzeko.
Behin gertatzen bada, gauzak aldatzen ari dira. Orain, otsoa begano doa, influencer-printzesak, amaordeak familia-terapiara joaten dira, eta Errauskine, institutuan ikasteaz gain, mozorrotutako heroina bat da.
Umorea, laguntasuna eta zientzia ukitu bat nahasten badituzu, hara: hortxe dituzu gure Ikusezinak! Haiekin batera, unibertsoan barrena
abentura zirraragarri eta dibertigarriak biziko ditugu.
Mikroorganismo maitagarri hauen eskutik, 6-10 urte arteko haurrek gure planetaren zokorik ezkutuenak bisitatuko dituzte, eta fantasiaz beteriko lan bisual erakargarri eta azkarrean murgilduko dira.
Udako oporrak iritsi dira, eta, elkar ezagutu zutenetik lehen
aldiz, lau lagunak banandu egingo dira. Mai, Oto eta Vik bidaian
doaz, bakoitza bere familiarekin, munduko hainbat lekutara.
Yoko bakarrik geratuko da parkean Mirentxurekin. Zer egingo
du Yoko gaixoak lagunik gabe? Eta hiru umeak izango al dira
gai opor-lekuetan lagun berriak egiteko? Laurak daude urduri
esperientzia berri honen aurrean, baina laster ohartuko dira,
haurrak dauden lekuan, beti aurkituko dutela jolasteko gogoa.
Victor, aita alarguna eta Julia bere alaba txikia, Espainiatik alde egin zuten 1939 urtean Bartzelona frankisten esku geratu zenean. Frantzian kontzentrazio esparruak eta zailtasunak dituzte zain. Baina ihes egiteko aukera dago: Winnipeg-ean Neruda-k eta Quakerrek Parisen ontziratutako merkantzia-ontzi bat hartzea, helmuga berri batera segurtasunez eramateko: Valparaíso, Txile, bizitza berri bat posible den lekuan.