"Gure helburua zen filma zinemaldian estreinatzea, eta argi dago hautaketa-batzordeak begi onez ikusi duela"

‘Erreplika’ dokumentala Donostia Zinemaldiko Zinemira sailerako hautatua izan da. Oso lan pertsonala da eta irudien garrantziari buruz hausnartzen du. Izan ere, irudiek oroitzapenak mantentzea eta berpiztea ahalbidetzen dute. Pello Gutierrez gidoilari eta zuzendariak lan hau sortzeko zerk inspiratu zuen azaldu digu.

23/24ko Cimasub Tourrak jarraitzen du: Irailean Hernani eta Pasaiara iritsiko gara

Irailean, CIMASUBek (Itsaspeko Nazioarteko Zinema Zikloa) itsaspeko munduari eskainitako zinema eta argazki erakusketa sorta ikusgarria ekarriko du Hernani eta Pasaiara. Jaialdiaren lehen edizioak Hernanin eta hirugarrenak Pasaian, gure ozeanoen sakonerantz bidaia bisual eta hezitzailea izango dela agintzen dute, ingurumena zaintzeko eta babesteko mezu sendoarekin.

"Orain arte egin diren proiekzio guztietatik hau izan beharko litzateke hunkigarriena"

‘Tasio’ luzemetraiak (Montxo Armendariz, 1984) Donostia Zinemaldiko Klasikoak saila inauguratuko du bertan estreinatu zela 40 urte bete direnean. Euskadiko Filmategiak zaharberritu du filma eta Joxean Fernandez Filmategiko zuzendariak prozesu osoa nolakoa izan den azaldu digu.

"Zinemaldiko Nest sailean parte hartzeak bultzada ematen dit zinema ulertzeko dudan moduan sinesten jarraitzeko"

Nest sailak, Donostia Zinemaldiko zinema ikasleen film laburren nazioarteko lehiaketak, Julen Etxebarriaren ‘El tercer paisaje’ eskainiko du. Elías Querejeta Zine Eskolak ekoitzitako obra da. Bertan, zuzendariak Insignis pinuaren barietateari eragiten dion onddoa (Microsphaerella dearnessi) Euskadiko basoaren zati handi batean nola hedatu den erakutsiko digu. Ondorioz, Agustin Ibarrola euskal artistaren lana (Omako baso margotua) kutsatu egin da.

72. Donostiako Zinemaldiko egitarauan 20 euskal ekoizpen egongo dira

Irailaren 20tik 28ra ospatuko den Donostiako Zinemaldia euskal zinemarentzako erakusleihoa izango da, 20 ekoizpen egongo baitira programazioan. Nazioarteko ekitaldi honek euskal ikus-entzunezko sektoreak zinema industriaren barruan duen garrantzia indartzen du.

Cimasub 2024ko Kartel Ofizialaren aurkezpena: Urpeko bizitzaren zurrunbiloa Donostian

Donostia prestatzen ari da Cimasub 2024 Itsaspeko Zinemaren Nazioarteko Jaialdiaren 48. edizioa jasotzeko, azaroaren 21, 22 eta 23an. Oraingo honetan, 2023ko edizioan Argazkilari Onenaren Urrezko Baranda irabazi zuen Merche Lloberak harrapatutako irudi ikusgarria erakusten du ekitaldiaren kartel ofizialak.

Itsaspeko zinemako bi ekitaldi nabarmen abuztuan: Bakio eta Aquarium Donostia

Abuztu honetan, zinema eta ozeanoa maite dutenek munduko itsasoen edertasuna eta erronkak ospatzen dituzten bi ekitaldi izango dituzte: Bakioko aire zabaleko Itsaspeko Zinema eta CIMASUBen proiekzioa Donostiako Aquariumeko Itsas Film Festibalean.

Cimasubek arrakasta handia izan du Tenerifen egin duen lehen edizioan

Uztail osoan irekita egon ondoren, Los Lavaderos aretoan argazki erakusketa amaitu da. Erakusketa honek Kanarietako eta munduko beste paradisu batzuetako 24 irudi ikusgarri aurkeztu zituen, planeta osoko argazkilariek harrapatuak, egile kanariar onenetako batzuk barne. Horrekin amaitu dira Tenerifeko Cimasuben jarduera guztiak.

"Kalkuk zure proiektuaren aurretiazko argazki bat eskaintzen du, karbono-aztarna murrizteko neurriak aldez aurretik har ditzazun"

CIMASUB eta UICN SSC Koralen Espezialista Taldea koralaren kontserbazioa bultzatzeko elkartu dira

Atsegin handiz iragartzen dugu CIMASUB eta Natura Babesteko Nazioarteko Batasunaren (UICN) arteko elkartze berri eta zirraragarria. Lankidetza hori mugarri garrantzitsua da itsas kontserbazioa sustatzeko eta koral-ekosistemak babesteko ahaleginetan, eta ilusio handia dugu aurrean ditugun aukerekin.

Itsas azpiko zinema Mater ontzian uztailean, Zero Zabor Uretan kanpainan

Zero Zabor Uretan kanpaina (Zero zabor uretan) uztailean iritsiko da Euskal Kostaldera, Mater Ekoaktibo Itsasontzi Museoan. Ekimen honek, bosgarren edizioan, itsas zaborren arazoaz kontzientziatzea eta hondakinen prebentzioa sustatzea du helburu, Hondakinik onena, sortzen ez dena lelopean. Hainbat jarduera egingo dira herritarrak itsas ingurunearen kontserbazioan inplikatzeko, eta hondakinak murriztearen garrantzia azpimarratuko da, itsasoko zaborraren % 80 lehorreko hondakinen kudeaketatik eta kontzientziazio faltatik baitator.

MENDI FILM BEKA 2025 egile amateur nahiz profesionalei zabaldu zaie

Mendi Film jaialdiak eta Bizkaiko Foru Aldundiak, Mendi Film Bekaren 5. edizioa iragarri dute. Mendiko Kulturaren ikus-entzunezko sustapena helburu duten proiektu zinematografikoak sortzera bideratua dago.

PORTUGALETEKO XVI ZINEMA EXPRESS JAIALDIAN IZENA EMATEKO EPEA ZABALIK

Urriaren 5ean, Portugaleteko XVI Zinema Express Jaialdia izango da. Zinema Express Jaialdia ez da ohiko lehiaketa, izan ere lehiaketara aurkeztuko diren film laburrak jaialdiaren egunean bertan “express” filmatuko dira. 10 orduan bakarrik, eta norberaren ekipoarekin, partaideek lanak pentsatu, gidoiak prestatu, filmatu eta editatu beharko dituzte: benetako erronka!

CIMASUBek Iruñeko ongintzazko ekitaldi batean parte hartu du, ELAk kaltetutakoei babesa emanez

Casino Solidario elkarteak Real Sociedad Itsaspekoak eta Cimasub gonbidatu ditu ELAren aldeko ongintzazko ekitaldi batean parte hartzera, Iruñeko Kasinoan.

WORK IN PROGRESS SAILERA PORIEKTUAK AURKEZTEKO EPEA LUZATU DA

Ekainaren 17a izango da proiektuak aurkezteko azken eguna.

Renan Ozturk zuzendariak jaso du 2024ko IAMF Grand Prize saria

Mendiko Zinemarako Nazioarteko Aliantza harro dago IAMF 2024 Sari Nagusia Renan Ozturki eman zaiola iragartzeaz, mendiari eta eskalatzaileei eskainitako filmen zuzendari gisa egindako ibilbidea aintzatetsiz. Mendiko eta eskaladako gaiei lotutako pelikulak egiterakoan, mendizaleen komunitatearen parte direnen konpromisoa eta artista baten sentsibilitatea agertu izan ditu beti, guztia zinemarako dohain handiekin konbinatuta.

9.600 ikuslek gozatu dute MENDI TOUR 2024 denboraldiko lehen zatia

BBK Mendi Film Bilbao Bizkaia zinemaldiko mostra ibiltariaren negu-udaberriko denboraldia ikusle datu oso onekin amaitu da: 9.600 lagunek gozatu dituzte 31 herri eta hiritan eskaini diren 59 zine saioak.

Ekainean, CIMASUBek Tolosa, Bilbo eta Tenerife bisitatuko ditu

Cimasub Tour 2023/2024 jardunaldiak geldiezin jarraitzen du, eta hilabete honetan, formatu desberdinetan, Tolosa, Bilbo eta Tenerifera iritsiko da, itsas hondoen sekretuak zabaltzeko eta horien zaintzaz eta babesaz kontzientziatzeko helburuarekin jarraitzeko.

PRENTSA OHARRA: NAZIOARTEKO FILM LABUR ETA BIDEOKLIP JAIALDIAREN ARAUDIA

PRENTSA OHARRA: Informazio gehiago: Webgunea / Programazioa / Facebook / Twitter / Instagram / YouTube / Trailerrra / Goiburua Kontaktua: Xabier Uria (660767124) xabier@caostica.org / Juan Dopico (680164289) juan@caostica.org

2024ko BBK Mendi Film Bilbao Bizkaiko irudi nagusiak gori-gori jarriko gaitu “Fuego” argazkiarekin

BBK Mendi Film Bilbao Bizkaia zinemaldiaren 17. edizioa abenduaren 6tik 15era egingo da aurten, 2024an, eta jada badaukagu hura iragarriko duen irudi nagusia: Fuego titulua duen argazkia da, Jean-Baptiste Liautard argazkilari frantziarrarena. Donostiako Club Vasco de Camping Elkarteak antolatzen duen CVCEPHOTO mendiko jardueren nazioarteko argazkilaritza lehiaketan Mendi Film irudia izateko saria irabazi du, 700 euro jasotzeaz batera.