“Uste dut ‘Go!azen’ telesailarekin euskara ikasgeletatik kanpo ere hitz egin dadin lagundu dugula”

“Ez nuke filmaren fotograma bat bera ere aldatuko”

“Oraingoz izen gabe’ ez da zaharkituta geratu, gaur egun egina dirudi”

Donostia Zinemaldia, euskal zinemarentzako erakusleiho paregabea

“Euskal Herria airetik ikusteak gure lurraldera hurbiltzeko modu guztiz desberdina eskaintzen digu

Lorea Pérez de Albenizek eta Javi Gutiérrez Peredak zuzendutako 'Euskal Herria Hegan' telesail dokumentalak Euskal Herriko aberastasun historiko, kultural eta naturala berraurkitzera gonbidatzen gaitu, ikuspegi paregabe batetik: airea. Lehenengo atalak Gipuzkoan jartzen du arreta, eta EITBren Galaren barruan estreinatuko da Donostiako Zinemaldiaren 73. edizioan. Izan ere, ikusleei airetik egindako irudi ikaragarriak, telesailerako espresuki konposatutako musika sinfonikoa eta tokiko artisten zuzeneko parte-hartzea uztartzen dituen ikus-entzunezko esperientzia eskainiko die.

Ez genuen pelikula politiko bat egin nahi, pertsonen film bat baizik

Miguel Ángel Vivas Moreno zuzendariak ‘La tregua’ aurkeztuko du, errepublikanoak eta Dibisio Urdineko kideak gulag sobietar batean elkartu izana jorratzen duen benetako gertakarietan oinarritutako filma. Berarekin hitz egin dugu proiektuaren jatorriaz, Kazakhstanekiko lankidetzaz eta bere lana Donostia Zinemaldian estreinatzeaz, urriaren 10ean zinema-aretoetara iritsi aurretik.

Cimasub Tour irailean iritsiko da Oñatira, Iruñera eta Hernanira

24/25 Cimasub Tourrak bere bidaiarekin jarraituko du eta irailean hiru herritan geldialdia egingo du, programazio osoarekin, zinemaren, argazkigintzaren eta hezkuntza jardueren bidez itsaspeko munduaren magiaz gozatzeko.

Cimasubek FUGAZ sariekin bat egin du Jaialdi LAGUN gisa

Cimasuben lanean jarraitzen dugu itsaspeko zinemari eta gure ozeanoen zaintza sustatzen duten film laburrei ikusgarritasuna eta proiekzioa emateko. Gaur, harrotasunez betetzen gaituen albiste bat iragarri nahi dugu: Cimasub FUGAZ Sarien Jaialdi LAGUNen  sareko kide da jada, Espainiako film laburren sari garrantzitsuenetako bat.

Cimasub abuztuan murgilduko da bi proiekzio oso berezirekin

Uda itsas garaia da, topaketena eta, nola ez, itsaspeko zinemarena. Cimasuben gure irudiak txoko berrietara eramaten jarraitzen dugu, eta abuztu honetan bi jarduera oso berezi ditugu prest, itsas hondoko zinemaz espazio paregabeetan gozatzera gonbidatzen gaituztenak.

Donostiako 73. Zinemaldirako iragarritako lehen euskal filmak

Euskal partaidetza duten zortzi ekoizpenek osatuko dute Zinemaldiaren programazioa, eta Ofiziala, New Directors, Horizontes Latinos eta Zabaltegi sailetan presentzia nabarmena izango dute.

Uztail honetan, itsaspeko zinema Mater ontzian CIMASUBekin!

Uztail honetan, Donostiako Nazioarteko Itsaspeko Zinema Zikloa (CIMASUB) berriz aterako da itsasora, eta aurten modu berezian egingo du: lau proiekzio ireki egingo dira Mater museo-ontzi ekoaktiboaren gaineko estalkian, Zero Zabor Uretan 2025 kanpainaren baitan.

Euskadik koprodukzioko bazkide gisa duen ahalmena erakutsiko du Gasteizen 35 herrialdetako profesionalen aurrean

MENDI FILM BEKA 2026 Mendiko Kulturaren ikus-entzunezko sustapena

Mendi Film jaialdiak eta Bizkaiko Foru Aldundiak, Mendi Film Bekaren 6. edizioa iragarri dute. Mendiko Kulturaren ikus-entzunezko sustapena helburu duten proiektu zinematografikoak sortzera bideratua dago.

Animadebak garapen faseko animazio-proiektuetarako deialdia ireki du

Deba, 2025eko ekaina. Animadeba – Nazioarteko Animazio Zinema Jaialdiak Animadeba Lab – Work in Progress ataleko deialdia ireki berri du.

32 hitzordu izan ditu MENDI TOURrak lehen seihilekoan eta 11.000 ikuslek gozatu dute mendiko zinema onenaz

BBK Mendi Film Bilbao Bizkaia nazioarteko jaialdiaren MENDI TOUR ziklo ibiltariak gora egin du. Mendia, abentura, muturreko kirolak eta natura gaiei buruzko puntako pelikulak eskainiz 32 herri edo hiritan egin dira zine saioak 2025eko lehen seihilekoan, eta iazko urte sasoi honetako ikusle marka %13 hazi da. Aurten, 11.000 ikuslek jo dute zinema aretoetara MENDI TOURRaz gozatzeko.

HEMEN DA CAOSTICA 23, NAZIOARTEKO LABURMETRAI ETA BIDEOKLIP-EN JAIALDIA

Caostica Nazioarteko Film Labur eta Bideoklipen Jaialdiaren 23. edizioak Neo-Bilboren erraiak astinduko ditu aurten ere, eta ekainaren 2tik 8ra egingo da Bilborocken.

Glaziar kobazulo baten ahoan ari den eskalatzailearen irudiak jantziko du BBK Mendi Film Bilbao Bizkaia 2025

Bilbo, 2025.05.22. 2025eko abenduaren 5etik 14ra ospatuko den BBK Mendi Film Bilbao Bizkaiaren 18. edizioak badu irudi nagusia jada: The Cave izeneko argazkia da, Julia Roger-Veyer argazkilariarena, Chamonix-en bizi den paristarra. Irudi hau Donostiako Club Vasco de Camping Elkarteak antolatutako CVCEPHOTO mendi jarduerako argazki lehiaketan saritua izan da, BBK Mendi Film Bilbao Bizkaia Kartela Sariaren atalean. 800 euroko diru-saria irabazi du eta Mendi Film 2025 filmaren irudia izango da.

“Cannes Docs-en aurkezteko hautatuak izateak beste pantaila batera pasatzea esan nahi du, liga berri batean jokatzea, dokumentala galaz janztea”

Nagore Eceiza gipuzkoarrak zuzendutako ‘If You Wish To Make An Apple Pie’ dokumentala maiatzaren 18an aurkeztuko da Cannes Docs 2025eko Spain Showcase-an, ZINEBIk, ICAAk eta ICEXek elkarlanean antolatutako ekitaldian. Proiektu honek nazioarteko plataforma garrantzitsu horretan Espainia ordezkatzeko aukeratu diren lau tituluetako bat da. Elkarrizketan, Eceizak dokumentalaren sorkuntzan izan dituen erronkak eta ikaskuntzak partekatu ditu, baita muntaketa prozesua nola joan den azaldu ere, eta etorkizunerako dituen itxaropenak aditzera eman ditu. Bestalde, ‘Zona Wao’, Fugaz sarietarako izendapena jasotzeko hautagai diren 10 film labur dokumentalen artean dago.

Maiatza, lau hiri, mezu bat: Ozeanoak zinemaz eta argazkiz babestea CIMASUBen

CIMASUB 24/25 Tourrak Errenterian, Amurrion, Zumarragan eta Astigarragan geldialdiak eginez jarraituko du.

Abian da 2025eko CIMASUB lehiaketa!

Donostiako Nazioarteko Itsaspeko Zinema Zikloaren (CIMASUB) antolatzaileei  poztu egiten gaitu iragartzeak zabalik dagoela jada gure urteko lehiaketarako parte hartzeko deialdia, aurten 49. edizioa egingo baitu. Beste behin ere, planeta osoko argazkilari, zinemagile eta itsaspeko munduaren maitaleak gonbidatzen ditugu beren begirada ur azpian partekatzera.