Mendi Zinemarako Nazioarteko Aliantzak Sari Nagusia Jennifer Peedomi ematea erabaki du, errealismo dokumentala eta handitasun zinematografikoa ikur dituen gidoilari, zuzendari eta ekoizleari australiarrari. Estilo oso pertsonala du eta, urteekin, zinema dokumental garaikideko erreferentziazko egile bihurtu da, batez ere naturaren eta mendizaletasunaren arloetan.

Jennifer Peedomen ibilbidea aspaldi hasi zen eta hasieratik goi mailan: nabarmen egin zuten lehen filmak 2008an aurkeztu zituen: 'Miracle on Everest' eta, batez ere, 'Solo', sari ugari irabazi zituen lana.

Inflexio-puntua 2015ean iritsi zen "Sherpa" filmarekin, Australian, historiako hirugarren dokumental ikusiena bihurtu zen, nazioartean aitortza ugari jaso eta, BAFTA sarietarako izendatua izan zen. International Alliance for Mountain Film jaialdietan ere sari nagusiak irabazi zituen, hala nola, Esloveniako Festival Gorniškega Filma eta Suitzako Festival International du Film Alpin des Diablerets jaialdietan.

2017an, Australian Chamber Orchestrarekin lankidetzan "Mountain" egin zuen. Filmak "Sherpa" gainditu zuen eta Australian inoizko dokumental ikusiena bihurtu zen, eta mundu osoko 26 herrialdetako zinema-aretoetan estreinatu zen. Estreinatu zen urtean bertan, Mendi Filmeko Epaimahaiaren Aipamen Berezia jaso zuen eta Donostiako Zinemaldiko Savage Zinema atalean parte hartu zuen.

2021ean "River" eta 2025ean "Deeper" filmekin, mendi gailurretatik uretara eta urpeko kobazuloen sakonera aldatu zuen arreta. Elementuak aldatu ziren, baina ez kalitatea eta estiloa.

Gaur egun "Tenzing" filmaren postprodukzioan ari da, Tenzing Norgayri eta Everesteko lehen igoerari buruzko fikziozko film luzea.

2022an Michel Dilloni eman zitzaion IAMF Sari Nagusiaren ondoren, aitortza berri honek Australiako zinemagileen bizitasuna eta garrantzia erakusten du mendiko zinemaren eszenan.

 

“Sherpa” 2026ko Mendi Film Jaialdian

BBK Mendi Film Bilbao Bizkaiak “Sherpa” filma sartuko du bere 19. edizioko egitarauan, 2026ko abenduaren 4tik 13ra. Hala, jaialdiak IAMF saria irabazi duen zinemagilearen lan bikain hau Mendi Zaleekin partekatuko du, eta Bilbon lehen aldiz ikusi ahal izango da pantaila handian zinema kalitatearekin.

 

International Alliance for Mountain Film Sari Nagusia

Italian iragarri zen albistea, duela gutxi amaitu den Trentoko Zinemaldiko sari-banaketa ekitaldian. Mendiko Zinemaren Nazioarteko Aliantza mendiko filmak ekoizten, sustatzen eta kontserbatzen dituztenen erreferentzia-puntu nagusia bihurtu da. 2000. urtean sortua, sektoreko erakunde ospetsuenak biltzen ditu. Gaur egun, 27 kide gara: mendiko zinemaren 26 jaialdi eta mendiko museo bat, Europako, Asiako, Ipar eta Hego Amerikako eta Ozeaniako 20 herrialde ordezkatzen dituztenak.

IAMFk 2002an sortu zuen IAMF Sari Nagusia, mendiko zinemaren ibilbideko liderrak aitortzeko. Irabazleen artean daude Gerhard Baur, Lothar Brandler, Pavol Barabas, Kurt Diemberger, Ermanno Olmi, Werner Herzog, Sebastian Alvaro, Dariusz Zaluski, Michael Dillon, Eliza Kubarska, Renan Ozturk eta Sébastien Montaz-Rosset bezalako zuzendariak, baita Swiss Television edo Sender Films bezalako ekoizleak ere.

 

International Alliance For Mountain Film Grand Prize (2002-2026)

• 2026 JENNIFER PEEDOM
• 2025 SÉBASTIEN MONTAZ-ROSSET
• 2024 RENAN OZTURK
• 2023 ELIZA KUBARSKA *Mendi TV
• 2022 MICHAEL DILLON *MendiTV
• 2021 DARIUSZ ZALUSKI
• 2020 WERNER HERZOG 
• 2019 KEITH PARTRIDGE
• 2018 KURT DIEMBERGER *MendiTV
• 2017 GILLEZ CHAPPAZ
• 2016 SENDER FILMS
• 2015 ANNE, ERIK and VÉRONIQUE LAPIED
• 2014 ERIC CROSLAND and DAVE MOSSOP, SHERPAS CINEMA
• 2013 ALASTAIR LEE
• 2012 ERMANNO OLMI
• 2011 PAVOL BARABÁS
• 2010 HANS-JÜRGEN PANITZ
• 2009 LOTHAR BRANDLER
• 2008 SEBASTIÁN ÁLVARO
• 2007 MICHAEL BROWN
• 2006 DIRECTORATE GENERAL FOR TELEVISION SWITZERLAND
• 2005 JEAN-PIERRE BAILLY
• 2004 FULVIO MARIANI
• 2003 LEO DICKINSON
• 2002 GERHARD BAUR