Proiekzioak doakoak izango dira eta publiko orori zuzenduta daude. Mater-en estalkia zinema-areto bihurtuko da, eta ikus-entzunezko ikusgarriak eskainiko ditugu gure ozeanoen edertasuna eta zaurgarritasuna erakusteko.

Egunak eta kokalekuak:

• Bilbo – uztailaren 4a, ostirala
• Ondarroa – uztailaren 12a, larunbata
• Getaria – uztailaren 17a, osteguna
• Pasaia – uztailaren 23a, asteazkena

Proiekzioak iluntzean hasiko dira, itsas-ingurune paregabean, kultura, natura eta kontzientzia ekologikoa uztartuz.

Kanpaina bat itsaso osasuntsu baten alde

Ekintza hauek guztiak Zero Zabor Uretan kanpainaren parte dira, Mater-ek bultzatutako ekimena. “Hondakin onena, sortzen ez dena” goiburupean, itsasoko zaborraren arazoa ikusgarri egin eta herritarren parte-hartzea sustatzen du.

Uztail osoan zehar, Mater zortzi portutan ibiliko da, jarduera hezitzaileekin, zabor-bilketa herrikoiekin, sormen tailerrekin eta, noski, itsaspeko zinemarekin. CIMASUBek proiekzio hauen bidez artea, zientzia eta aktibismoa elkartzen ditu gure ozeanoen alde.

Informazio gehiago: www.zerozaboruretan.eus