"La Casa en el Árbol" pelikulak irekiko du Zinemaldiaren 32. edizioa, eta Euskadiko, Estatuko eta nazioarteko zinemaren programazio askotarikoaren aldeko apustua egiten jarraitzen du.

Campos Eliseos Antzokia, Azkuna Zentroa, Golem Alhóndiga zinemak eta BBK Aretoa dira egoitza nagusiak, eta FANTekin lotutako proiekzioak eta jarduerak hartuko dituzte.

Eugenio Mira zuzendari, musikari eta idazleak jasoko du Fantastikaoren Izarra saria; Aránzazu Calleja ikus-entzunezko konpositore bilbotarrak jasoko du Ohorezko FANT saria; eta Bruno Martín zuzendari, gidoilari eta aktoreak jasoko du FANTrobia saria.

FANT LABURREAN – EUSKAL FILMAK sailari eta euskarazko film labur baten ekoizpenerako proiekturik onenaren FANT-EITB Sariari esker, tokiko eta euskarazko zinemagileek zuzendutako lanei laguntzeko apustuarekin jarraitzen du zinema-jaialdiak.

Inaugurazio ofiziala baino egun batzuk lehenago, FANTek PLANOZ KANPO saila estreinatuko du, zinemaren industriari lotutako proiekzio, aurkezpen eta erakusketekin.

Bilboko Udalak antolatzen duen FANT - Bilboko Zinemaldi Fantastikoaren 32. edizioa maiatzaren 8an hasiko da ofizialki. Egun horretatik 16ra arte, publikoak euskal, Estatuko eta nazioarteko zinemaren programazio zabala izango du.

Zinemaldiaren agenda osoa aurkeztu dute gaur goizean Gonzalo Olabarria Kultura eta Gobernantza zinegotziak, Amaia Domingo FANTeko zuzendariak eta Eugenio Puerto Zinemaldiko programazio arduradunak. Gonzalo Olabarriak adierazi bezala, "Bilbo zinema-agertoki handi bihurtuko da berriro. FANTek gure hiria fantasiazko eta beldurrezko zinemaren nazioarteko mapan jartzea lortu du, publiko fidela, grinatsua eta gero eta zabalagoa duten generoak ".

FANTek maiatzaren 8an, ostirala, inauguratuko du bere oraingo edizioa Campos Eliseos Antzokian, Luis Calderónek zuzendutako "La Casa en el Árbol" filmaren proiekzioarekin. Bizkaiko hainbat tokitan filmatu eta Bilbao Bizkaia Film Commission-en laguntzarekin garatu da, eta egun honetan bertan estreinatuko da zinema-aretoetan. Filmak nortasun bisual eta emozional nabarmena duen egile-slasher bat proposatzen du, eta Sandra Escacena, Claudio Portalo, Kandido Uranga, Mala Rodríguez, Apolonia Lapiedra, Ai-xing Cobos, Asier Hernández eta Inge Ugarte ditu protagonista.

Ondoren, 22:30ean, FANT LABURREAN-EUSKAL FILMAK Sail Ofizialeko 10 film laburrak proiektatuko dira.

2026ko edizioari amaiera emango dion filma "Reflection in a dead diamond" izango da, Belgika, Luxenburgo, Frantzia eta Italiako koprodukzioa, Hélène Cattet eta Bruno Forzanik zuzendua. Maiatzaren 16an, larunbata, ikusi ahal izango da BBK Aretoan, itxiera ekitaldian.

2026KO SAIL OFIZIALA

Zinemaldiko lehiaketako Sail Ofizialak programazio anitza eta askotarikoa du ikusgai, fantasiazko azpigeneroei eta lanen jatorrizko herrialdeei dagokienez. Hautatutako 19 filmak Azkuna Zentroa-Alhondiga Bilbaoko auditorioan eta Golem Alhondiga zinemetako 1. aretoan proiektatuko dira.

Aurten sail honetan parte hartuko dute: "All you need is kill", Kenichiro Akimotorena (Japonia, 2025); "Buffet libre", Zoe Berriatuak zuzendua (Espainia, 2026); "Buzzheart", Dennis Iliadisek filmatua (Grezia, 2024); "Camp", Avalon Fast-ena (Kanada, 2025); "Cielo", Alberto Sciammarena (Erresuma Batua-Bolivia, 2025); "Cuanttica rave", Paco L. Campanok zuzendua (Espainia, 2025); "Hokum", Damian Mc Carthyk filmatua (Irlanda-Estatu Batuak, 2026); "Juego maldito", Carlos Marínena (Mexiko, 2025); "La torre de hielo", Lucile Hadzihalilovicen zuzendaritzapean (Frantzia-Alemania, 2025); "La ventana abierta", Ana Gracianirena (Espainia, 2026); "Los bobos", Basovih Marinaro eta Sofía Jallinskyrena (Argentina, 2026); "Mārama", Taratoa Stappardek filmatua (Zeelanda Berria, 2025); "Meat kills", Martijn Smitsena (Herbehereak, 2025); "Rabios@", Luis María Fernánezek zuzendua (Espainia, 2026); "Redux Redux", Kevin eta Matthew McManusek filmatua (Estatu Batuak, 2025); "Suffocation", Louis Chan eta Stone Changen zuzendaritzapean (Taiwan, 2026); "UAP", Mason Howardena (AEB, 2026); "Wasteman", Cal McMaurena (Erresuma Batua, 2025); eta "Duan Quiang", Chuanlin Sunek zuzendua (Txina, 2026).

Film luze hauek Epaimahaiaren eta Publikoaren Film Luze Onenaren FANT 2026 sarietarako eta Gidoi Onenaren (Euskal Gidoigileak Elkarteak emandakoa) eta Zuzendaritza berritzaileenerako (FAS zineklubak emandakoa) sarietarako hautagai izango dira.

SAIL OFIZIALEKO FILM LABURRAK

Film laburren Sail Ofizialak 29 lan erakutsiko ditu 32. edizio honetan, hamar euskal film laburrei eskainitako saioan eta bederatzi nazioarteko film labur. Nazioarteko beste 10 film laburrek parte hartuko dute Ikuspegi Fantastikoaren Sailean.

FANT Bilbaok film laburren aldeko apustua egiten jarraitzen du, lehen edizioetatik FANTen bereizgarri bihurtu baitira. Horren erakusgarri da Jaialdiaren programazioan duten presentzia handia, baita lortu ditzaketen sariak ere: Publikoaren Saria Film Labur Onenari, Epaimahaiaren Sariak Nazioarteko Film Labur Onenari eta Sail Ofizialeko Euskal Film Labur Onenari, eta Panorama Saileko Epaimahaiaren Film Labur Onenaren Saria.

32. edizio honetan, Zinemaldiak tokiko talentua babesten jarraitzen du FANT LABURREAN – EUSKAL FILMAK Sail Ofizialean euskal film laburretan ardaztutako espazioarekin. Aurten, honako hauek aukeratu dituzte: "El agujero" (2025, Daniel Gómez Múgica); "Arditurri" (2025, Oihan Gastesi eta Ander Arrieta); "“Aziza y el último hombre bueno” (2025, David Ontoria); "Azpian" (2025, Danel Garay eta Laura Barquin); “El cuerpo de Cristo” (2025, Bea Lema); "Erreka zoko hortan" (2025, Ekaitz Bertiz); "Glory Hole" (2025, Andoni Fernández); "Hariaren amaiera/Al final del hilo" (2025, Aitor Molina); “Última salida” (2025, Egoitz Díaz Ibargoitia); eta “Zezena eta umea” (2025, Igor García Piñas). 10 lan hauek maiatzaren 8an, ostirala, ikusi ahal izango dira Campos Eliseos Antzokian, inaugurazio ekitaldian, 22:30etatik aurrera.

Jaso ditzaketen sariez gain (Epaimahaiarena eta Publikoarena FANT Sail Ofizialeko film labur onenarena; eta Epaimahaiarena FANT Sail Ofizialeko euskal film labur onenarena), Euskal Aktoreen Batasunak Interpretazio Onenaren saria erabakiko du film labur hauen artean.

Nazioarteko film laburren atalean, Sail Ofizialean parte hartuko dute: "Bath Bomb" (2024, Kanada, Colin G Cooper); "The Call" (2025, Espainia, Kiko Prada); "Cara de cona" (2026, Espainia, Guillermo de Oliveira); "La dernière neige" (2025, Frantzia, Bouquet-populus Rodolphe); "Hyena" (2025, Txina-Estatu Batuak, Altay Ulan Yang); "Pobre Marciano" (2025, Espainia, Álex Rey); "Lo que te falta" (2025, Espainia, Sara Bermejo); "Tinieblas” (2025, Espainia, Raúl Cerezo eta Carlos Moriana) eta “Unclean” (2024, Kanada, Simon Chouinard). Azkuna-Alhondigako auditorioan izango da emanaldia maiatzaren 9an, 19:20ean.

IKUSPEGI FANTASTIKOA LABURREAN saila, hilaren 9an bertan, Golem Alhondiga zinemetako 2. aretoan ospatuko da eta 10 film laburrek osatzen dute: “Arca” (2025, Italia, Lorenzo Quagliozzi); “Baile con la muerte” (2024, Espania, Carlota Massó); “Ghosting” (2024, Yago Casariego); “Kámen osudu” (2025, Txekiako Errepublika, Julie Černá); “Lantern” (2026, Alemania, Leopold Schraudolph); “Open Mic” (2025, Espania, Jano Santos); “Ortega” (2025, Espania, Álvaro Pita); “The Sentry” (2025, Kanbodia-Norvegia-Estatu Batuak, Jake Wachtel); “Tenéis que verlo” (2025, Espania, Nacho Solana) ; eta “The Veil” (2025, Brasil, Gabriel Motta).

FANTek EUSKARAZKO FILM LABURRAK EKOIZTEKO PROIEKTUAK ETA EMAKUME-EGILEENTZAKO FILM LABURREN GIDOIAK BULTZATZEN DITU

Bilboko Zinemaldi Fantastikoaren helburua ikus-entzunezkoen sorkuntza babestea da, bereziki euskaraz egindako lanak, Bilboko 2023 – 2033 Kultura Plan Estrategikoaren ildo estrategikoekin bat etorriz. Horregatik, FANTek bultzatzen du euskarazko fantasiazko film labur bat ekoizteko proiektuak sustatzeko deialdia.

Aukeratutako lanek 5.000 euroko FANT-EITB Saria jasotzeko aukera dute, film labur bat egitea errazteko. Zinemaldiaren esparruan, parte-hartzaileek beren proiektuak aurkeztu eta defendatuko dituzte publikoari irekitako saio batean, horretarako izendatutako epaimahai espezializatu baten aurrean.

Bilboko Zinemaldi Fantastikoak ere emakume-sortzaileek egindako lan zinematografikoak babesten ditu. Horren erakusgarri da GIDOI- Euskadiko Gidoigileen Elkartearekin izandako lankidetza, Emakume Egileentzako Film Laburren Gidoi Lehiaketaren III. edizioa aurkeztu baitu, fantasiazko eta beldurrezko generoko gidoietan soilik oinarritua, FANTekin bat etorriz.

Udal Zinelmaldiak ikus-entzunezkoetan emakumezkoen talentuari ahotsa eman nahi dion eta (H)emen ekimenaren laguntza duen urteroko ekimen honekin duen lankidetza, Industry Jardunaldi bat gehituz gauzatzen da. “Emakume gidoilariak, aurrea doan zinema” izenburupean, saioak Tamara García Iglesias zinemagilearen, Amancay Gaztañaga musika‑artistaren eta Aránzazu Callejaren (Ohorezko FANT Saria 2026) parte‑hartzea izango du, eta sektorearen bilakaeran emakumeen sorkuntzan eta zereginean jarriko du arreta.

Ondoren, pitch saio bat egingo da; bertan, Emakume Egileentzako Film Laburren Gidoi Lehiaketaren III. Edizioaren sei finalistek beren proiektuak aurkeztuko dizkiete sektoreko profesionalei. FUERA DE PLANO atal berriaren barruan kokatzen den jardunaldi hau maiatzaren 6an izango da, Campos Elíseos Antzokiko Kupula Aretoan, 18:00etatik aurrera, sarrera librearekin, edukiera bete arte. Halaber, GIDOIk sustatutako lehiaketaren erabakia FANTen esparruan jakinaraziko da, maiatzaren 16an, 19:30ean, BBK Aretoan egingo den itxiera galan.

MÉLIÈS FEDERAZIOA

FANTek Europako proiekzioa sendotzen du Méliès Nazioarteko Jaialdien Federazioaren (MIFF) parte gisa. Federazio horrek Europako fantasiazko zinema sustatu eta ikusarazten du, eta FANT federazioaren "Competitive Member" da. Horrela, eta bigarren urtez jarraian, Sail Ofizialeko epaimahaiak Europako Fantasiazko Film Labur Onenaren Zilarrezko Méliès saria aukeratu beharko du. Erakunde hori osatzen duten zinemaldietan aintzatespen hori jasotzen duten lan guztiak automatikoki sailkatuko dira lehiaketarako Meliés D 'Argent sarira, genero fantastikoko film labur europar baten Urrezko sarira. Edizio honetako programazioan, maiatzaren 14an, osteguna, Mats Uddek zuzendutako "Don 't Be Afraid" proiektatuko da. Lan hori Urrezko Méliès 2025 ospetsuak lortu du, Méliès Nazioarteko Jaialdien Federazioak, FANT Bilbao partaide den erakundea, fantasiazko zinemako Europako film labur onenei emandako aintzatespena.

IKUSPEGI FANTASTIKOA

Golem Alhondigako 2. aretoak IKUSPEGI FANTASTIKOA saileko filmak hartuko ditu. Edizio honetan zortzi dira proposatutako zintak: "Adorable humans", Anders Jon, Kasper Juhl, Michael Kunov eta Michael Pandurok zuzendua (Danimarka, 2026); "Coração das trevas", Rogério Nunesena (Brasil, 2025); "Ella solo come carne", Norberto Ramos del Valek filmatua (Espainia, 2026); "La cosa en la niebla", Chedey Reyesena (Espainia, 2025); "Lonig & Havendel", Claudia Tuyque t Scheffelek zuzendua (Alemania, 2025); "Más caliente que el infierno", César del Álamok filmatua (Espainia, 2026); “Santa Zeta”, Antonio Muñoz de Mesarena (Espania, 2026); eta “SASYQ”, Yerden Telemissovena (Kazajistán, 2026).

FANT IZARRAK

Zinemaldiak atzera begiratzen du, hainbat arrazoirengatik fantastikoaren unibertsoan nabarmendu diren filmak proiektatzeko, zinemako handiek filmatutakoak eta FANT IZARRAK sailean erakusten direnak. Azkuna Zentroko Auditorioan eta Gólem-Alhóndiga zinemetan proiektatuko dira hauek: Alejandro Amenabarren "Tesis" (Espainia, 1996); Brian de Palmaren "Carrie" (Estatu Batuak, 1976); Quentin Dupieuren "El accidente de piano" (Frantzia, 2025); Joe Alvesen "Tiburón 3" (Estatu Batuak, 1983); Enzo G. Castellariren "1990: los guerreros del Bronx" (Italia, 1982); Enzo G. Castellariren "2000: fuga del Bronx" (Italia, 1983); Rob Reinerren "Misery" (Estatu Batuak ,190); "Simpathy Mr. Vengeance", Park Chan-wook-ena (Hego Korea, 2005); "Picnic at Hanging rock", Peter Weir-ena (Australia, 1975); eta "The birthday", aurten Eugenio Mira FANTASTIKOAREN IZARRArena (Espainia, 2004).

FANT ORBITA

Bi film daude 32. edizio honetan FANT ORBITA sailean: "Influencers" (Kurtis David Harder, Estatu Batuak, 2025) eta "El hombre menguante" (Jan Kounen, Frantzia-Belgika, 2025). Golem-Alhondiga 2. aretoan ikusi ahal izango dira.

DOKUFANT

DOKUFANT ziklo honek genero fantastikoa ikuspegi dokumental batetik erakusten du. Golem-Alhondoga 2. aretoan egongo dira ikusgai "Aquel último tiburón" (Espainia, 2025) Víctor Matellano García eta Ángel Salarena eta "El asombro" (Laura Guerricaechevarría, Espainia, 2025).

SARIAK

2026ko edizio honetan, Eugenio Mira zuzendari, musikari eta idazlea, Aránzazu Calleja ikus-entzunezko konpositore bilbotarra eta Bruno Martín zuzendari, gidoilari eta aktorea dira Zinemaldi Fantastikoaren sarietako protagonista nagusiak.

Ohorezko FANT saria, maiatzaren 8an Campos Eliseos Antzokian egingo den inaugurazio galan, Aránzau Calleja ikus-entzunezko konpositore bilbotarrak jasoko du. Ibilbide luzea du zineman. Bere lanen artean "El Hoyo", "Cinco Lobitos", "Marco", "Irati" edo "Akelarre" nabarmentzen dira. Azken honengatik jatorrizko musika onenaren Goya eta Platino sariak jaso zituen Maite Arroitajauregirekin batera. Bere proiektu berrienak honako hauek dira: "Los aitas", "Maspalomas", Goya sarietarako izendatua, eta Feroz sarietan jatorrizko musikarik onenaren irabazlea, eta" Gaua ", joan den azaroan PreFANT zikloaren barruan proiektatu zen filma, Maite Arroitajauregirekin elkarlanean. Gaur egun, "Salitre" Norma Vila zuzendari bilbotarraren opera primaren soinu-bandan murgilduta dago.

Inaugurazio-ekitaldian bertan, FANT Bilbaok Eugenio Mirari emango dio Fantastikoaren Izarra saria, Zinemaldiko sari nagusia. Bere lehen film laburra, "Fade" (2000), Guillermo del Tororen arreta bereganatu zuen, hasieratik bere ibilbidea babestu zuena. Bere lehen film luzea, "The Birthday" (2004) -maiatzaren 9an, larunbata, Azkuna Zentroa-Alhondiga Bilbaoko Auditorioan proiektatuko dena- kultuzko klasiko bihurtu da urteekin. Ondoren, "Agnosia" (2010) eta "Grand Piano" (2013) zuzendu zituen. 2022an, Mirak HBO Maxen "GARCIA!" telesailaren denboraldi osoa zuzendu zuen.

Bruno Martín zuzendari, gidoigile, editore eta aktore madrildarrak jasoko du FANTROBIA Saria, generoko zinemaren barruan goraka doan pertsona bat aintzatesten duena. "En Fin", "Patria", "Acacias 38", "Riders" edo "Dos" vidas, "El último tren al Rock and Roll", "Mambo", "Grasa", "Entertainment" edo "Fogueo" bezalako proiektuetan parte hartu du. 2023an Kike Narceak zuzendutako "Os reviento" luzemetraia ekoitzi zuen eta ia 20 sari lortu zituen. 2024an, "Luger" film sarituan idatzi, zuzendu, editatu, ekoitzi eta pertsonai bat antzeztu zuen. Ostegunean, hilak 14, ikusi ahal izango da Golem-Alondegiko 1. aretoan, 19:30ean. Bruno Martiek saria jasoko du itxieran galan, hilak 16 BBK Aretoan,

EPAIMAHAIA ETA PALMARESA

Zinemaldiak lehiaketan parte hartuko duten filmen epaimahaia ere aurkeztu du. Ángel Agudo (telebistako eta zinemako gidoilaria), Alicia Albares (zuzendaria, gidoilaria eta idazlea) eta Álex Mendíbil (irakaslea, komisarioa, programatzailea, ikertzailea, idazlea eta gidoilaria) arduratuko dira Sail Ofizialeko irabazleak aukeratzeaz, eta Iván Barredo (zinemaren munduko hainbat arlotan esperientzia handikoa, FANT Bilbao ko-zuzendu zuena), María Larrea (gidoilaria, zuzendaria eta idazlea) eta Miriam P. Álvarez (Galician Freaky Film Festivaleko zuzendariordea eta zuzendaria) arduratuko dira Panorama Fantastikoko filmez. Bere eztabaida eta bozketen emaitza 32. edizioaren palmaresa izango da. Maiatzaren 15ean, ostirala, emango da ezagutzera, prentsaurrekoan.

Nobedade gisa, FANTek Europako Fantasiazko Film Labur Onenaren Zilarrezko Méliès Saria irabazikp duen zinta aukeratuko duen epaimahaiari jakinarazi du. Honako hauek osatzen dute: Bego del Tesok, zinema-kritikariak, Benja de la Rosak, zinema-zuzendariak eta Andrea G.Bermejok, Cinemanía aldizkari espezializatuko erredaktore buruak. BBK Aretoak bi saio berezitan saritutako titulu nagusien proiekzioa hartuko du maiatzak 17an igandean, 17:00etan Panorama FANTASTIKOA ataleko Palmaresa, eta 19:30ean Sail Ofizialeko Palmaresa.

PLANOTIK KANPO SAILA

Aurtengo berrikuntzetako bat PLANOTIK KANPO saila da. Zinema-industriarekin lotutako ekitaldiak biltzen ditu, Zinemaldia hasi aurreko egunetan egiten direnak. Horien artean, bi erakusketa: Nerea Torrijos bilbotar jantzien diseinatzailearen "Zinemako jantziak/Vistiendo películas", maiatzaren 4tik 29ra Abandoko Udaltegian ikusgai izango dena; eta "Batman, gaueko zaindaria", Begoñako Udaltegian, maiatzaren 8tik 30era. Gainera, Cristian Bernard zuzendari argentinarraren "Bajo tus pies" filma aurreestreinatuko da. Besteak beste, Maribel Verdú eta Sofía Otero dira protagonistak, eta Golem Alhóndiga zinema-aretoetan emango da maiatzaren 4an, 20:15ean.

Abandoko Udaltegian Jaime Novo mugikortasunean espezializatutako kazetariaren "Rowan March: El Consenso" liburuaren aurkezpena antolatuko da. Maiatzaren 7an izango da, 19:00etan. Bi egun geroago, Azkuna Zentroko Bastida Aretoan "Mis 100 años de cine. Memorias", Jack Taylor aktorearen liburaren aurkezpena garatuko da. Hitzordua 12:30etan hasiko da eta bertan izango dira Bego del Teso eta Victor Matellano. Maiatzaren 10ean, 12:30ean, Azkuna Zentroan bertan, Edith del Campo, Kate Lynnon eta Madame Eloise egileen "Revelaciones" liburuaren aurkezpena egingo da.

Zinemaldian zehar, FANTESKOLA zikloan "Maya, emaidazu titulu bat", "Oink Oink" eta "Kaixo Frida" filmak proiektatuko dira. 5 eta 12 urte bitarteko haurrei zuzenduta, BBK Aretoan egongo dira ikusgai maiatzaren 11tik 14ra, 11:00etan.

ZINEMALDIAREN IRUDIA

FANTen edizio bakoitzean, fantasiazko zinemako pertsonaiarik mitikoenak ikustarazten dira, eta, oraingoan, Batman izango da kartelako irudia: Batmanek Bilboko skyline ikusten du zinemako besaulki batetik eserita. Pertsonaia bere zinema-jardunaldiaren protagonista izan da ere, Tim Burtonek zuzendutako izen bereko filma proiektatuz PreFANT zikloan. SARRERAK ETA ABONUA Inaugurazio-saiorako eta euskal film laburren saiorako sarrerak Campos Antzokian erosi ahal izango dira, bakoitzak 5 euroko prezioan, eta amaierako galarako eta BBK Aretoan palmaresaren proiekzioetarako sarrerak prezio berean. Azkuna Zentroko Auditorioan eta Golem Alhóndiga zinemetako 1 aretoan programatutako emanaldietarako sarrerak ere salgai egongo dira 5 euroren truke. Sarrerak apirilaren 22tik aurrera erosi ahal izango dira, 4 euroko prezioan, baldin eta Cine Club FAS, Azkuna Zentroa, El Correoko harpideduna edo Club Campos Elíseoseko txartela edukiz gero. Golem Alhóndiga zinemetako 2. aretoan sartzea doakoa izango da lekua bete arte.